မောင်ရှင်နှင့် ဂျပန်ပြည်ထဲရေး(လ ၀ က) - ၂

2,199

ဒုတိယပိုင်း(ဇတ်သိမ်း)အမျိုးတို့ရေ..၁၉၉၄ ခုနှစ်တုန်းက အကယ်ဒမီတွေ တပွေ့တပိုက်ကြီး သိမ်းပိုက်ယူသွားတဲ့  Forest Gump ရုပ်ရှင်ကြည့်ဖူးမယ်ထင်ပါတယ်။အဲဒီ့ဇာတ်ကားမှာ သရုပ်ဆောင်တဲ့ Tom Hanks ရဲ့ အပြုအမူဟာ မောင်ရှင့်နဲ့ အတော့်ကိုတူပါတယ်။မောင်ရှင်ပြောတာမဟုတ်ဘူးနော်..။ အမတစ်ယောက်လိုခင်သူတစ်ဦးက ဟိုး လွန်ခဲ့တဲ့ ၉၉ ခုနှစ်တုန်းက ပြောခဲ့တဲ့စကား။ဆိုလိုတာက Tom Hanksလို ထိပ်ပြောင်တာ ဗိုက်ပူတာ တူတယ်လို့ပြောတာမဟုတ်ဘူးနော်..။ Forrest Gump နဲ့ Character (အကျင့်စရိုက်)တူတာကိုပြောပါတယ်။ ဒါဆိုဒါပဲ..။ တခုခုကို အာရုံစိုက်ပြီ အာရုံရောက်ပြီဆိုရင် တခြားကိစ္စတွေကို မကြည့်တော့ဘူး။ အာရုံလာတဲ့ကိစ္စကိုပဲ မဖြစ်ဖြစ်အောင်၊ မအောင်မြင်မချင်း တစိုက်မတ်မတ်လုပ်တတ်သူ။မြင်းလောင်းတဲ့ မောင်ရှင့်မိတ်ဆွေတစ်ဦး တင်စားပြောတဲ့စကားတခွန်းကတော့ဗျာ..``မောင်ရှင်..။ မင်းသာ မြင်းဖြစ်မယ်ဆိုရင်.. ငါ့စည်းစိမ်တွေသာမက အိမ်တိုင်ပါ ချွတ်ပြီး ပုံအောလောင်းမှာ..``တဲ့..။ခုလည်း ဒီလိုပဲ..။ လောလောဆယ် မောင်ရှင် အာရုံလာနေတာက စာရေးချင်စိတ်။ဘယ်အချိန် တန့်သွာပြီး ဘယ်ကို အာရုံရောက်ဦးမလဲမသိဘူး..။ထပ်ပြီးအာရုံလာနေတာက ဂျပန်မှာ မြန်မာစားသောက်ဆိုင်ဖွင့်မယ်ဆိုတဲ့ စိတ်ကူးနဲ့ ရည်ရွယ်ချက်။ဘ၀မှာ အလွှာပေါင်းစုံ နေရာပေါင်းစုံ လူမျိုးပေါင်းစုံ အလုပ်ပေါင်းစုံ လုပ်ခဲ့ဖူးပေမယ့် ကိုယ်ပိုင်လုပ်ငန်းတော့ လုပ်ကြည့်ပါဦးမယ်။ သို့ပေမယ့် ဂျပန်ထုံး နှလုံးမူပြီး မိမိအားနည်းချက်၊ အောင်မြင်နေသူတို့ရဲ့ အားသာချက်၊ လိုအပ်နေတဲ့ ကိုယ့် အရည်အချင်းတွေကို ဘက်စုံအောင် ဖြည့်ဆည်းလေ့လာပြီးမှ လုပ်မှာပါ။အရေးကြီးတာက မြန်မာဟင်းကျွမ်းကျွမ်းကျင်ကျင်ချက်တတ်တဲ့ ၂၅ နှစ်အောက် အိမ်ရှင်မ။ကဲ ဂျပန် လ ၀ က ဥပဒေကို ပြောင်းလဲအောင် ကိုင်လှုပ်ခဲ့တဲ့အကြောင်း ဆက်ကြဦးစို့ရယ်..မဆက်ခင် နည်းနည်း လေကြောရှည်လိုက်ဦးမယ်..။မောင်ရှင့်ပိုစ်ကို တမ်းတမ်းတတ စွဲစွဲလန်းလန်း မြတ်မြတ်နိုးနိုး ခုံခုံမင်မင် နဲ့ နေ့စဉ်နေ့တိုင်း ခြောင်းကြည့် ခိုးကြည့် တိတ်တခိုးကြည့် လွမ်းတိုင်းကြည့် သတိရတိုင်းကြည့် မျှော်လင့်စောင့်စားဖတ်ရှုနေတဲံ ခေးမလေးတစ်ဦးက ဒီလိုပြောပါတယ်။ဥူးမောင်ရှင်စာတွေဖတ်ရတာ ကိုရီးယားဇာတ်လမ်းတွဲအတိုင်းပဲတဲ့။ကိုရီးယားမင်းသားတွေထက်တောင် ဥူးမောင်ရှင်ရဲ့ ဥပဓိရုပ်ကလည်း ချောမော လှပ သန့်ပြန့်သပ်ရပ်ပြီး၊ စတိုင်ကလည်းမိုက်၊ စမတ်ကလည်းကျ၊ ကိုယ်ခနာ အချိုးအစားကလည်း မြင်သူငေး ရွှေဘ၀င်အေးပြီး စွဲမက်ရလောက်အောင် စလင်းဘော်ဒီ၊ လူကလည်း စတားဆိုတော့ ဥူးမောင်ရှင်ရေးသမျှတွေကျော် ပြီး မောင်ရှင့်ဓါတ်ပုံတွေဝင်ကြည့်ရင်း ရင်ခုန်ရလွန်းလို့ ရူးမှာပဲတဲ့..။အဲဒီလောက်တောင် မောင်ရှင့် ဥပဓိရုပ် အဲလေ အရေးအသားက ဆွဲဆောင်မှုရှိနေသလား ငင်..။ဒါတောင် မပြင်မဆင်ပဲ ကမန်းကတန်း လျှပ်တပြက် သဘာဝပုံစံလေးနဲ့ပဲ ရိုက်ထားသေးတာ..။နောက်မှ သေချာရိုက်ပြီး တစ်ဝကြီးတင်လိုက်ပါဦးမယ်..။ ငိ ငိ-မောင်ရှင်နှင့် ဒုက္ခသည်ဥပဒေရေးဆွဲသူတွေ့ဆုံခြင်းမောင်ရှင်လုပ်ချင်တဲ့ကိစ္စ ဖြစ်ချင်တဲ့ဆန္ဒကို သူငယ်ချင်းတစ်ယောက်က မဖြစ်ဖြစ်အောင် ဆန္ဒဖြည့်ပေးတယ်။ တကယ်ကိုကျေးဇူးတင်ပါတယ်။ (နာမည်ထည့်မရေးတာက သူဟာ ခုဆို မြန်မာပြည်မှာ စီးပွားရေးလုပ်ငန်းလုပ်နေလို့ပါ)သူ့သူငယ်ချင်း ဂျပန်တက္ကသိုလ်ကျောင်းသူ- Tokiwa university မှ အကြံပေးအရာရှိ Miss Yumiko Yahagiစီစဉ်ပေးမှုကြောင့် Professor Mr. Honma Hiroshi(Doctor of Law) နဲ့ Campus Innvation Center(CIC) မှာ တွေ့ဆုံမေးမြန်းခွင့်ရခဲ့ပါတယ်။ပြဿနာက မောင်ရှင် ဂျပန်စကား လုံးစေ့ပတ်စေ့နားမလည်ဘူး။ စာလည်းမတတ် တဲ့အပြင် ပိုဆိုးတာက ခုခေတ်ကလေးတွေလို ကျောင်းဗီဇာနဲ့လာသူမဟုတ်တော့ စာမရေးတတ်၊ မဖတ်တတ်ဘူး။ဒီတော့ ဂျပန်စကား နားလည်တက်ကျွမ်းသူများကို အကူအညီတောင်းရတယ်။ `မြန်မာ့ရေးရာပြည့်သူ့အဖွဲ့`ရဲ့ ဦးဆောင်ပါဝင်သူလည်းဖြစ်၊ မြန်မာတွေကိုကူညီဆောင်ရွက်ပေးနေတဲ့ နာမည်ကြီးရှေ့နေ့ watanabe ရဲ့ မိတ်ဆွေရင်းချာလည်းဖြစ်၊ မြန်မာစကားကို မြန်မာတွေထက်အောင်ကျွမ်းကျင်တတ်မြောက်ပြီး မြန်မာတွေလုပ်တဲ့ ပွဲတိုင်းမှာ အခမ်းအနားမှူးအဖြစ် ကူညီပေးနေတဲ့ ဆရာ ဦးရွှေဘ(ဂျပန်အမည် Hisao Tanabe)ကို အကူအညီတောင်း။ နောက် ကချင်တိုင်းရင်းသား ဆြာလီ(KD Aung Li)။သူက ကချင်တိုင်းရင်းသားသာဆိုတယ်။ မြန်မာမင်္ဂလာဆောင်မှာ ဘိသိတ်ဆရာ။ စကားပြောကောင်းသလို ဂျပန်စကားလည်း ကျွမ်းကျင်တယ်။ မောင်ရှင်တို့ အင်တာဗျူးတာကို မှတ်တမ်းဓါတ်ပုံရိုက်ပေးသူက Hti Ya(ကမာနီလာ)ပါ။ဒီလိုနဲ့ ဂျပန် လ ၀ က ဥပဒေကိုရေးဆွဲခဲ့တဲ့ Waseda Universityနဲ့ Hosei University ပါမောက္ခလည်းဖြစ်၊ အမျိုးသားလွှတ်တော်စာကြည့်တိုက်(Japan Nation Diet Library) နာယကလည်းဖြစ်၊ ထိပ်ထိပ်ကြဲ ဥပဒေပညာရှင်လည်းဖြစ်တဲ့Mr. Honma Hiroshi နဲ့ဗျူးခွင့်ရတယ်။ရှေ့နေ Watanabeရော၊ ဆရာဦးရွှေဘရောက တကယ်ဟုတ်မှဟုတ်ရဲ့လား ဆိုပြီး တအံတသြနဲ့။ မောင်ရှင်က ဒီလိုလူစား။ လုပ်ပြီဆို ထိပ်ရောက်အောင် လုပ်တယ်။ တိုက်ပြီဆို ခေါင်ကနေစတိုက်တယ်။ခုထိ မျက်လုံးထဲမြင်ယောင်သေးတယ်။ ဆရာဦးရွှေဘဆို Mr. Honma Hiroshi နဲ့မတွေ့ခင် သူ့လက်သူစွဲစိပ်တယ်။ အိမ်မက်တော့မဟုတ်ပါဘူးနော် ကိုမောင်ရှင်တဲ့။ဒီလိုနဲ့ မောင်ရှင်က ရတဲ့ တစ်နာရီမှာ အားလုံးအကျိုးရှိမယ့် ဥပဒေကြောင်းရာတွေကို မေးမြန်းတယ်။Mr. Honma Hiroshi ကလည်း လူကြီးလူကောင်းဆန်ဆန် မေးသမျှကို မခြွင်းမချန်ဖြေပေးတယ်။ ငပါးမွှားတွေ လာပြီး မတတ်တခေါက် ဂျာနယ်လစ်ပညာနဲ့ လာဗျူးတယ်လို့ သဘောမထားဘူး။ သိပ်လေးစားဖို့ကောင်းတဲ့ ဂျပန်စိတ်ဓါတ်။Mr. Honma Hiroshi နဲ့ ဗျူးခဲ့တာတွေကို မိုးသောက်ကြယ်ဂျာနယ်ထဲမှာ အပြည့်အစုံရေးချတယ်။ခု ဒီပိုစ်ကိုဖတ်တဲ့ ဆွေတော်မျိုးတော်များလည်း ဂျပန်ရဲ့ ဒုက္ခသည်ဆိုင်ရာ မူဝါဒသဘောထားသိအောင် အနည်းငယ်ဖော်ကောင်လုပ်ပါရစေ..မောင်ရှင် မေးခွန်းမမေးခင် Mr. Honma Hiroshi က သူ့ကိုယ်သူ မိတ်ဆက်စကားပြောရင်း အရင်ဦးဆုံးရှင်းပြတာက-(ဒါ ဂျပန်ထုံးစံပါ..။ အပိုင်း(၄)တုန်းက `ဂျပန်လူမျိုးများနှင့်ပေါင်းသင်းဆက်ဆံတဲ့အခါမှာ သတိပြုဆင်ခြင်ရမယ့်အချက်များနှင့် မှတ်သားဖွယ်ရာ ဓလေ့ထုံးစံများ`မှာ မောင်ရှင်ရေးခဲ့တာကို သတိရကြမယ်ထင်ပါတယ်။ တဦးနဲ့တဦး မိတ်ဆက်စကားပြောတော့မယ်ဆိုရင် ကျနော်ဘယ်သူ ဘယ်ဝှာဆိုတာကို အရင်ဦးဆုံးမိတ်ဆက်ရပါတယ်..။ ဂျပန်လိုဆိုရင်ဖြင့် `ဂျိ ကိုး ရှော ကိုင်` လုပ်တယ်လို့ခေါ်ပါတယ်..)``ကျနော်ဟာ National Diet Library လို့ခေါ်တဲ့ အမျိုးသားလွှတ်တော်စာကြည့်တိုက်မှာ စတင်အလုပ်လုပ်ပါတယ်။အဲဒီမှာ အလုပ်လုပ်ရင်း လူ့အခွင့်အရေးနဲ့ ဒုက္ခသည်ဆိုင်ရာအကြောင်းကိစ္စတွေကို လေ့လာဖတ်ရှုခွင့်ရပါတယ်။နောက်ပြီး ဒီကိစ္စအပေါ်မှာ ကျနော်ကိုယ်တိုင်စိတ်ဝင်စားတဲ့အတွက် အထူးဘာသာရပ်တခုအနေနဲ့ စာတမ်းတစ်စောင်ကို ၁၉၇၄ ခုနှစ်မှာရေးပြီး လွှတ်တော်ကိုတင်သွင်းခဲ့ပါတယ်။ကျနော့်စာတမ်းကို လွှတ်တော်အမတ်အများစုက သဘောကျတဲ့အတွက် အဲဒီ့နှစ်မှာပဲ`အကယ်ဒမီဆု` ချီးမြှင့်ခြင်းခံရပါတယ်။၁၉၇၅ ခုနှစ်မှာ အင်ဒိုချိုင်းနားဒုက္ခသည်အရေးကိစ္စကို စတင်ကိုင်တွယ်ဖြေရှင်းဖို့ နိုင်ငံခြားတိုင်းပြည်တော်တော်များများ(အင်္ဂလန်၊ ပြင်သစ်၊ ဂျာမဏီ၊ အမေရိကန်)မှာ ပညာသင်ကြားဖို့ စေလွှတ်ခြင်းခံရပါတယ်။အဲဒီ့ကနေ ကျနော် ၁၉၈၀ မှာ ဂျပန်နိုင်ငံကိုပြန်ရောက်လာပြီး နိုင်ငံခြားတိုင်းပြည်တွေရဲ့ ဒုက္ခသည်အပေါ် ကူညီဆောင်ရွက်ပေးမှု၊ ဒုက္ခသည်အဖြစ် လက်ခံနေမှု၊ နိုင်ငံတကာဒုက္ခသည်ကူညီစောင့်ရှောက်ရေးဆိုင်ရာ သဘောတူညီမှု(ဂျနီဗာကွန်ဗင်းရှင်း)စာချုပ်ချုပ် ဆိုနေမှုအကြောင်းကို ဂျပန်အစိုးရထံ ပြန်လည်ရှင်းပြခဲ့ပါတယ်။ကျနော်ပြောတာကို လက်ခံသဘောကျတဲ့အတွက် ဂျပန်အစိုးရဟာ ၁၉၈၁ ခုနှစ်မှာ ဂျနီဗာကွန်းဗင်းရှင်းစာချုပ်ထဲမှာ ၀င်ရောက်လက်မှတ်ရေးထိုးခဲ့ဖြစ်ပါတယ်။အဲဒီ့အပိုင်းမှာ ကျနော်အနည်းငယ်ပြောချင်တာက ဂျနီဗာကွန်ဗင်းရှင်းစာချုပ်ထဲမှာ လက်မှတ်ရေးထိုးဖို့ မဲခွဲဆုံးဖြတ်တဲ့အခါမှာ ဂျပန်နိုင်ငံခြားရေးဌာနက ၅၀-၅၀ ဆိုပြီး သဘောတူခဲ့ပါတယ်။ဂျပန်တရားရေးဌာနက `လုံးဝစိတ်မ၀င်စားဘူးလို့` အကြောင်းပြန်ပါတယ်…``ကောင်းရောဗျာ..။ မောင်ရှင့်အတွက်တော့ တကယ့်ကို ချက်ကောင်းကို ရလိုက်တာပါပဲ။မောင်ရှင့်အတွက်ဆိုတာထက် မောင်ရှင့်အမျိုးတွေအတွက်လို့ရေးရင် ပိုမှန်မယ်ထင်ပါတယ်..။Mr. Honma Hiroshi က ဆက်လက်ပြောဆိုရှင်းပြတာက``သိတဲ့အတိုင်းပဲ။ ကျနော်တို့ ဂျပန်နိုင်ငံရဲ့ မူဝါဒက Tatewori(မြန်မာလိုဆိုရင်ဖြင့် ဒေါင်လိုက်၊ အင်္ဂလိပ်လိုဆိုရင်ဖြင့် Vertical)ဆိုတဲ့ ဒေါင်လိုက်ခွဲခြားကျင့်သုံးတတ်တဲ့မူဝါဒအရ နိုင်ငံခြားရေးဋ္ဌာနနဲ့ တရားရေးဋ္ဌာနတို့က လုပ်ငန်းခြင်းဆက်စပ်မှုမရှိတော့ နိုင်ငံခြားရေးဋ္ဌာနရဲ့ ဒုက္ခသည်လျှောက်ထားသူများအပေါ် ဘယ်လိုပဲ အပြုသဘောဆောင်နေပါစေ.. တရားရေးဋ္ဌာနက စိတ်ဝင်စားမှုမရှိတော့ ဒုက္ခသည်တွေကို အသိအမှတ်ပြုလက်ခံဖို့ နည်းပါးနေတာဖြစ်ပါတယ်..`တဲ့။ပွဲကတော့ အတော့်ကို လှတယ်ဗျာ..။``ခုနက ကျနော်ပြောတဲ့စကားကို ပြန်ဆက်ရမယ်ဆိုရင် ဂျပန်အစိုးရဟာ ဂျနီဗာကွန်ဗင်းရှင်းစာချုပ်မှာ ၁၉၈၁ ခုနှစ်ကစပြီး သဘောတူကြောင်း လက်မှတ်ရေးထိုးခဲ့ပေမယ့် လက်တွေ့အကောင်အထည်ဖော်စတင်ကျင့်သုံးတာက ၁၉၈၂ ခုနှစ်ကျမှပါ။အစိုးရကိုယ်တိုင်က သဘောတူလက်မှတ်ရေးထိုးထားတဲ့အတွက် ဂျပန်တရားရေးဋ္ဌာနက ဒုက္ခသည်ကိစ္စနဲ့ပတ်သက်ပြီး ဥပဒေရေးဆွဲပြဋ္ဌာန်းဖို့ လုပ်ဆောင်လာပါတယ်။ဒီတော့ ကျနော်က နိုင်ငံခြားတိုင်းပြည်တွေရဲ့ ဒုက္ခသည်တွေအပေါ် ကျင့်သုံးတဲ့မူဝါဒတွေ၊ သတ်မှတ်တဲ့`စံ`နှုန်းတွေကို ရေးသားပေးပို့ခဲ့ပါတယ်။ပြဿနာက တရားရေးဋ္ဌာနက စိတ်ဝင်စားမှုမရှိတော့ ကျနော်ရေးသားပေးပို့တာတွေကို ဖိုင်အဖြစ်နဲ့သာသိမ်းထားပြီး လက်တွေ့မှာတော့ သူတို့စိတ်ကြိုက်ရေးဆွဲဆုံးဖြတ်ပါတယ်။နားလည်အောင်ပြောရရင် ဒုက္ခသည်ဘယ်လိုလျှောက်ရမယ်။ ဘယ်လိုပုံစံနဲ့ အသိအမှတ်ပြုမယ်ဆိုတာပဲ ပါတယ်။ ဒုက္ခသည်လျှောက်ထားသူတွေရဲ့ နေထိုင်စားသောက်ရေးနဲ့ပတ်သက်ပြီး ဘယ်လိုတာဝန်ယူစောင့်ရှောက်မယ်ဆိုတာ မပါဘူး။ ဒါဟာ ပထမဆုံးလွဲမှားနေတဲ့ ဟာကွက်ကြီးပါ။ဒုတိယဟာကွက်က တရားရေးဋ္ဌာနဟာ ဒုက္ခသည်အရေးကိစ္စကို စဉ်းစားဆုံးဖြတ်တဲ့အခါမှာ လူ့အခွင့်အရေးရှုထောင့်ကနေ လုံးဝ မစဉ်းစား မဆုံးဖြတ်ပါဘူး။တတိယအချက်ကတော့ ဒုက္ခသည်အရေးကိစ္စကို ကိုင်တွယ်ဆုံးဖြတ်တဲ့သူတွေဟာ `ဒုက္ခသည်`ဆိုတဲ့ အဓိပ္ပာယ်ကို ကောင်းကောင်းမသိကြပါဘူး။ နိုင်ငံတကာ`စံ`နှုန်းကိုလည်း မလေ့လာကြဘူး။ လေ့လာဖို့ပြောလည်း မလိုက်နာကြဘူး။စတုတ္ထမှားနေတဲ့အချက်ကတော့ ဒုက္ခသည်ကိစ္စ ကိုင်တွယ်ဆုံးဖြတ်တဲ့သူတွေဟာ တရားရေးဋ္ဌာနကဖြစ်နေတယ်။ အဲဒီကတည်းသွားပြီပေါ့..။ ဥပမာ- ဂျာမဏီမှာဆိုရင် ဒုက္ခသည်ကိစ္စကို ဥပဒေပညာရှင်တွေ၊ တတ်သိနားလည်တဲ့ ပါရဂူတွေကသာ စဉ်းစားဆုံးဖြတ်တယ်။ ဂျပန်လိုမျိုး တရားရေးဋ္ဌာနက တိုက်ရိုက်ကိုင်တွယ်တာမျိုး လုံးဝမလုပ်ပါဘူး။ဒီလိုမျိုးတွေဖြစ်နေတော့ ဂျပန်ကို တခြားနိုင်ငံတွေက ၀ိုင်းပြီးအပြစ်တင်တာ ခံရတာပေါ့..``တဲ့။ကျေးဇူးတင်ပါတယ် ဆရာ Mr. Honma Hiroshi။ ကျေးဇူးတင်တာထက်စာရင် ကျေးဇူးကြီးမားလှပါပေတယ် ဆရာရေလို့ မောင်ရှင်တင်စားပြောပါရစေ..။ဒီထက်ပိုပြီး ကျေးဇူးတင်ဖို့ကောင်းတာက မှားယွင်းနေတဲ့ ဂျပန် တရားရေးဋ္ဌာနရဲ့ ဒုက္ခသည်ဆိုင်ရာဥပဒေတွေကို ပြန်လည်ပြင်ဆင်ဖို့ ဆရာ Mr. Honma Hiroshi က ဥပေဒေအသစ် ရေးဆွဲနေတယ်တဲ့။ ဆရာရေးဆွဲနေတဲ့ ဥပဒေသစ်မူကြမ်းကို နောက်တက်မဲ့ Democratic Party of Japan က အတည်ပြုပြဋ္ဌာန်းဖို့ လွှတ်တော်မှာတင်သွင်းမယ်တဲ့။နိုင်ငံတကာစံနှုန်းနဲ့ကိုက်ညီဖို့နဲ့ လူ့အခွင့်အရေးရှုထောင့်ကနေထည့်သွင်းစဉ်းစားပြီး ရေးဆွဲပြဋ္ဌာန်းဖို့အတွက်တဲ့။မင်္ဂလာရှိလိုက်တဲ့သတင်း..။သြော် …မောင်ရှင်က ဆရာ Mr. Honma Hiroshi ကို ဘာတွေမေးခဲ့သလဲ.. ဟုတ်လား..ဆရာ တား မီး အသက် ၂၅ နှစ်အောက်လား..?အရပ်ရှည်ရှည်ရှည်..၊ စလင်းဘော်ဒီ၊ စတိုင်ခပ်မိုက်မိုက်လား..?လန်းလား.. ဖလန်းလား…?အလိမ်မာ အိမ်ပါ တိုက်ပါ ကားပါ ခြံစာချုပ်ရော အတွင်းပစ္စည်းရော တစ်ဦးတည်းပိုင်သူလား..?အိမ်ထောင်မကျသေးဘူးမဟုတ်လား..?ကျနော်မျိုး မောင်ရှင်နဲ့ဆို ရွှေ ရွှေ ချင်းထပ် ကတ်သီးကတ်သပ် ဖြစ်မလား ဆရာ..?အဲဒီလို မေးချင်တာပြောပါတယ်..။ ငိ ငိမောင်ရှင်မေးခဲ့တာတွေထဲက တခုပဲပြန်ပြီး ဖော်ကောင်လုပ်လိုက်ပါမယ်..။ဂျာနယ်လစ်ပညာ မတောက်တစ်ခေါက် မင်ရှောင်ခေါ် မောင်ရှင်က-အာရှမှာဆိုရင် ဂျပန်ဟာ ဒီမိုကရေစီနဲ့ လူ့အခွင့်အရေးအပြည့်အ၀ကျင့်သုံးနေတဲ့ နိုင်ငံတခုအဖြစ် အားလုံးက အသိအမှတ်ပြု လက်ခံထားကြပါတယ်။ ဒါပေမယ့် ဒုက္ခသည်အဖြစ် လျှောက်ထားသူတွေကို လူသားချင်းစာနာတဲ့ရူထောင့်၊ လူ့အခွင့်အရေးရှုထောင့်ကနေ မစဉ်းစား မဆုံးဖြတ်ပဲ ပြစ်မှုကျူးလွန်တဲ့ တရားခံတွေလိုသဘောထားပြီး ဆက်ဆံနေပါတယ်။ အဲဒီ့အပေါ်မှာ ဆရာ့အနေနဲ့ ဘယ်လိုထင်မြင်ယူဆပါသလဲ..?- ``ကျနော်တို့ဂျပန်နိုင်ငံရဲ့ ဖွဲ့စည်းပုံအခြေခံဥပဒေထဲမှာ လူတစ်ဦးချင်းစီရဲ့ အခြေခံလူ့အခွင့်အရေးရှိရမယ်ဆိုတဲ့အချက် ပါရှိပါတယ်။ ဒါဟာ ဂျပန် လူမျိုးတွေအတွက်ပဲဖြစ်နေပြီး နိုင်ငံခြားသားတွေအတွက် မပါဝင်ဘူးဖြစ်နေတယ်။ဒီလိုဖြစ်လာခဲ့ရတဲ့ သမိုင်းကလည်း သိနားလည်အောင်ပြောရမယ်ဆိုရင် မဲဂျီခေတ် မတိုင်မီ နှစ်ပေါင်း ၃၀၀ လောက်က ဂျပန်နိုင်ငံဟာ တံခါးပိတ်ဝါဒ ကျင့်သုံးခဲ့ပါတယ်။မဲဂျီခေတ်နောက်ပိုင်းကျတော့ စစ်ဝါဒထူထောင်ခဲ့ပါတယ်။အဲဒီတော့ သူတစ်ပါးနိုင်ငံအထိ ကျူးကျော်သိမ်းပိုက်မှုတွေ ဖြစ်ခဲ့တယ်။ စစ်ပွဲတွေ တောက်လျှောက်ဆင်နွဲနေခဲ့တယ်။ ဒုတိယကမ္ဘာစစ် ဖြစ်ပေါ်ခဲ့တယ်။၁၉၄၅ မှာ ဂျပန်ဟာ အမေရိကန်ကိုစစ်ရှုံးလို့ လက်နက်ချခဲ့တယ်။ စစ်ကြီးပြီးသွား တဲ့အခါမှာ တိုင်းပြည်ထူထောင်မှုတွေ လုပ်နေရတယ်။ တဆက်တည်းမှာပဲ ဒီမိုကရေစီနဲ့ လူ့အခွင့်အရေးဆိုတဲ့ဟာကြီးကို အမေရိကန်က ရေးဆွဲပေးအပ်ခဲ့ တယ်။ အဲဒီ့အတိုင်း ကျင့်သုံးလာခဲ့ပါတယ်။ဆိုလိုတာက ဂျပန်လူမျိုးတွေဟာ ဒီမိုကရေစီနဲ့ လူ့အခွင့်အရေးဆိုတာကို တိုက်ယူခဲ့တာမဟုတ်ပဲ အထက်(အမေရိကန်)က ချပေးတဲ့အတိုင်း ကျင့်သုံးတာ ဖြစ်နေပါတယ်..။ဒီတော့ ခင်ဗျားခုနကမေးတဲ့` ဒုက္ခသည်အဖြစ် လျှောက်ထားသူတွေကို လူသားချင်းစာနာတဲ့ရူထောင့်၊ လူ့အခွင့်အရေးရှုထောင့်ကနေ မစဉ်းစား မဆုံးဖြတ်ပဲ ဘာကြောင့် တရားခံလိုသဘောထားပြီး ဆက်ဆံနေတယ်လို့ထင်ပါသလဲ`ဆိုတဲ့ကိစ္စမှာ ဂျပန်လူမျိုးတွေကိုယ်တိုင်က ဒီမိုကရေစီတို့၊ လူ့အခွင့်အရေးတို့ဆိုတာတွေကို သေသေချာချာနားမလည်သေးတဲ့အတွက် ခုလိုမျိုးဖြစ်နေရတာပါ။ အဲဒီ့အတွက်လည်း ကျနော်စိတ်မကောင်းဖြစ်မိပါတယ်။ တောင်းလည်းတောင်းပန်ပါတယ် ``တဲ့။အဲဒီလိုဖြေတယ်ဗျာ..။ လူကြီးလူကောင်းဆန်ချက်..။Mr. Honma Hiroshi နဲ့ တွေ့ဆုံခဲ့တဲ့အကြောင်းကို မောင်ရှင်ကိုယ်တိုင် တာဝန်ခံအယ်ဒီတာလုပ်နေတဲ့ မိုးသောက်ကြယ်ဂျာနယ်မှာ ချရေးချလိုက်တယ်။ဆိုတော့ ဂျပန် လ ၀ က အရာရှိတွေက မျက်လုံးပြူး မျက်ဆံပြူးဖြစ်ကုန်ရော။ မောင်ရှင်တို့လုပ်တဲ့ မိုးသောက်ကြယ်ဂျာနယ်ကို လ ၀ က အရာရှိတွေက ဘာသာပြန်ပြီး လစဉ် သိမ်းဆည်းမှတ်တမ်းယူနေကြ။မောင်ရှင် ဘယ်ခြေလှမ်းလှမ်းတယ်ဆိုတာကို မျက်ခြေမပြတ်မိအောင်တဲ့။ပါမောက္ခ Mr. Honma Hiroshi နဲ့ အင်တာဗျူးအပြီး ရရှိခဲ့တဲ့အတွေ့အကြုံအရ ပထမဦးဆုံး ကြမ်းခင်းဈေး ၁ နှစ်ခွဲကနေ ၃ နှစ်အထိ အဖမ်းခံနေရတဲ့ မြန်မာတွေကို လွတ်မြောက်အောင် သတင်းတပုဒ်ရေးချလိုက်။`ဒုက္ခသည်လျှောက်ထားသူ မြန်မာ ၅၀ ကျော် အီဘာရာကီအကျဉ်းထောင်ထဲတွင် နှစ်ကာလရှည်ကြာစွာ ချုပ်နှောင်ခံနေခြင်း`ဆိုတဲ့ခေါင်းစဉ်နဲ့ထင်တယ်။ အတိအကျ မမှတ်မိတော့ဘူး။ဒီနေရာမှာ အီဘာရာကီအကျဉ်းထောင်အကြောင်း နဲ့ အဲဒီ့ခေတ်ကာလ ဂျပန်နိုင်ငံရေးအခင်းအကျင်းအကြောင်း နည်းနည်းရှင်းပြချင်ပါတယ်။အဲဒီ့မှာ ဂူအောင်းခံခဲ့သူတွေလည်း မောင်ရှင့် ဖ ဘ ထဲမှာ မိတ်ဆွေသူငယ်ချင်းအနေနဲ့ ရှိကြပါတယ်။အားလုံး အဆင်ပြေသွားကြပါပြီ။ ရေးချင်တဲ့အကြောင်းအရာက ဒီလိုပါ။အီဘာရာကီထိမ်းသိမ်းရေးစခန်းမှာရှိနေတဲ့ အမျိုးတွေကို မင်းကိုင်း(ထောင်ဝင်စာ)သွားတွေ့မယ်ဆိုရင် တစ်မျှော်တစ်ခေါ်သွားရပါတယ်။ ဂူအောင်းနေတဲ့ အမျိုး ၅၀ ကျော်ကို တွေ့ဖို့အတွက် ထောင်ဝင်စာ တစ်ခါတွေ့ရင် နာရီဝက်( ၃၀) မိနစ်နဲ့ တစ်သုတ်ကို ၁၀ ဦးစီ တွေ့ခွင့်ရပါတယ်။တစ်သုတ် ၁၀ ဦးဆိုပေမယ့် အင်တာဗျူးဝင်နေချိန်၊ အဆောင်ပြောင်းချိန်၊ မိန်းမ ယောင်္ကျား ခွဲတွေ့ချိန်၊ နားချိန်၊ ထမင်းစားချိန်၊ စတာတွေ ပေါင်းလိုက်ရင် တနေ့ကုန်သွားပါတယ်။ဘာပဲပြောပြော မောင်ရှင်က အပြင်ကလူ၊ အထဲမှာ ဂူအောင်းနေကြတဲ့အမျိုးတွေက အဆောင်မတူတာလည်းရှိ၊ အခန်းမတူတာလည်းရှိတော့ အပြင်က ထောင်ဝင်စာလာတွေ့ရင် အတော့်ကို ၀မ်းသာကြတယ်တဲ့။ဂူအောင်းသူအချင်းချင်းလည်း စကားပြောခွင့်ရသလို၊ လာတွေ့တဲ့ မောင်ရှင်တို့လို လူတွေနဲ့လည်း ရင်ဖွင့်ခွင့်ရ၊ အကူအညီတောင်းခွင့်ရတယ်တဲ့။ဒါနဲ့ မောင်ရှင်နဲ့အတူ အသိတစ်ယောက်(ခုတော့ အမေရိကားရောက်သွားပါပြီ) စုစုပေါင်း နှစ်ယောက်ပေါင်းပြီး တစ်သုတ် ၁၀ ဦးစီ တွေ့ကြပါတယ်။အဲဒီ့ခေတ်က ထောင်ဝင်စာတွေ့ရင် အခန်းထဲအထိ ကိုယ့်အိတ်ကိုယ်သယ်ခွင့်ရှိပါတယ်။ဆိုတော့ အတူသွားတွေ့သူ သူငယ်ချင်းက ကင်မရာပါလာတယ်။``မောင်ရှင်ရေ.. ငါ ဓါတ်ပုံရိုက်မယ်။ မင်း သတင်းရေးကွာတဲ့..``။ဟာ- သိပ်ကောင်းတဲ့အိုက်ဒီယာ။ ရိုက် သူငယ်ချင်း ရိုက်သာရိုက်။ ကျန်တဲ့ကိစ္စ ငါ့တာဝန်သာထား။ဒီလိုနဲ့ သူငယ်ချင်းက ဓါတ်ပုံရိုက်ချလိုက်ပါတယ်။ဂူအောင်းနေတဲ့ အမျိုးတွေကိုလည်း ပြောလိုက်တယ်။ ဓါတ်ပုံရိုက်မယ်၊ သတင်းရေးပြီးတင်မယ်။ဂျပန်အစိုးရဟာ ဒုက္ခသည်လျှောက်ထားသူတွေအပေါ် ဘယ်လိုသဘောထားပြုမှုတယ်ဆိုတာ နိုင်ငံတကာသိအောင်..။အားလုံးက သိပ်ကောင်းတဲ့အကြံပဲ မောင်ရှင်။ ရိုက်သာရိုက်။ ငါ့ပုံပါအောင်ရိုက်ဆိုပြီး သူ့ထက်သူ မျက်နှာမူပေးကြတယ်။အဲဒီ့အထဲမှာ အခု ဒေါ်အောင်ဆန်းစုကြည်ဘေးမှာ သက်တော်စောင့် ပြန်လုပ်နေတဲ့သူလည်း ပါပါတယ်။ နာမည်တော့မရေးတော့ပါဘူး။ အရင်က သုံးရောင်ခြယ်အဖွဲ့ကပါ။အဲဒီ့တုန်းကတော့ ညီလေးမောင်ရှင် ညီလေးမောင်ရှင်နဲ့။ဒေါ်အောင်ဆန်းစုကြည် ဂျပန်ကိုလာတဲ့အခေါက်ကစပြီး စိန်နားကပ်ရောင်နဲ့ ပါးပြောင်ရုံမကပဲ ကမ်းတက်မတတ်အတိုင်းပဲ။ထားပါ..။ ဘာပဲပြောပြော မောင်ရှင်ချစ်တဲ့ လေးစားမြတ်နိုးတဲ့ခေါင်းဆောင်ကို ခုလိုအချိန်မှာ ပြန်ပြီး လုံခြုံရေးတာဝန်ယူပေးနေတာပဲ မောင်ရှင်ကူညီရကျိူးနပ်ပါတယ်။ခုနကကိစ္စပြန်ဆက်ရရင် သူငယ်ချင်းက ဓါတ်ပုံရိုက်တယ်၊ မောင်ရှင်က သတင်းရေးတယ်။သတင်းခေါင်းစဉ်ကို အပေါ်မှာ ရေးခဲ့တဲ့အတိုင်းစာတမ်းတင်ပြီး ကိုယ်ထည်မှာတော့ ဂျပန်အစိုးရဟာ နိုင်ငံတကာအလည်မှာ လူ့အခွင့်အရေးလေးစားသလိုလိုနဲ့ တကယ်တမ်းမှာတော့ ခုလိုချိုးဖောက်နေကြောင်း၊ ခုလိုမျုိး နှစ်ကာလရှည်ကြာစွာ ဖမ်းဆီးထိမ်းသိမ်းထားမှုဟာ ဂျနီဗာကွန်ဗင်းရှင်းအတိုင်း မကျင့်ကြံသလို နိုင်ငံတကာစံချိန်စံနှုန်းနဲ့လည်း မညီကြောင်း၊ ဒီလိုလုပ်ဖို့မသင့်တော်ကြောင်းနဲ့ လူသားချင်းလေးစားညှာတာသောအားဖြင့် လွှတ်ပေးသင့်ကြောင်းဆိုပြီး အင်တာနက်စာမျက်နှာမှာ သတင်းရေးချလိုက်တယ်။သတင်းရေးသားသူနေရာမှာ `မောင်ရှင်(ဘားမားမီဒီယာသတင်းထောက်)`နာမည်သုံးပြီး သူငယ်ချင်းရိုက်ယူလာတဲ့ဓါတ်ပုံနဲ့ ဖြန့်ချလိုက်တယ်။အဲဒီအချိန်က ဂျပန်ဟာ ကုလသမဂ္ဂ က တိုးချဲ့မယ့် လုံခြုံရေးကောင်စီ ၁၅ နိုင်ငံထဲမှာပါဝင်နိုင်ဖို့ ကြိုးပမ်းနေတဲ့အချိန်။နိုင်ငံတကာ စာမျက်နှာမှာလည်း အာရှမှာ ဒီမိုကရေစီနဲ့ လူ့အခွင့်အရေးအပြည့်အ၀ရှိကြောင်းပြသနေသလို ကုလသမဂ္ဂကိုလည်း အလှူငွေအများဆုံးထည့်နေတဲ့ `ဒိုနာ`။တိုးချဲ့မယ့် ကုလသမဂ္ဂရဲ့ လုံခြုံရေးကောင်စီ (၁၅) နိုင်ငံထဲမှာ ဂျပန်မပါဝင်အောင် တရုတ်နဲ့ရုရားက ကန့်ကွက်နေတဲ့အချိန်။အဲဒီလိုအချိန်မျိုးမှာ မောင်ရှင့်ရေးလိုက်တဲ့သတင်းဟာ ဂျပန်အစိုးရရဲ့ အသည်းနှလုံးကို ဓါးနဲ့ထိုးချလိုက်သလိုဖြစ်သွားတယ်။ပိုဆိုးတာက မောင်ရှင်က မြန်မာလိုရေးပြီး မြန်မာအင်တာနက်သတင်းဋ္ဌာနတွေကို ပေးပို့လိုက်တာကို အင်္ဂလိပ်လို ဘာသာပြန်ပြီး တဆင့်ပြန်တင်တဲ့ ဆရာတွေကရှိသေး။ကောင်းလေစွ၊ ကောင်းလေစွ။ ဂူအောင်းခံနေရတဲ့ အမျိုးများအတွက် ကောင်းလေစွ။ဒီထက်ပိုကောင်းတာက မောင်ရှင်ရေးလိုက်တဲ့သတင်းနဲ့ဓါတ်ပုံပါ စာမျက်နှာကို ဂူအောင်းနေတဲ့ အမျိုးတွေထံ တခြားသူတွေက ပို့ပေးတယ်။ဒီသတင်းကို အမျိုးတွေက လ ၀ က အရာရှိတွေကိုပြတယ်။မင်းတို့လူ့အခွင့်အရေးချိုးဖောက်တာ နိုင်ငံတကာသိကုန်ပြီ..။ ငါတို့ကို ဖမ်းလေ မင်းတို့ပိုအရှက်ကွဲလေပဲ..တဲ့။ဒီသတင်းနဲ့ မရှေးမနှောင်းမှာပဲ `ဂျပန်ရဖြူဂျီနဲ့ မြန်မာဒုက္ခသည်များ`ဆိုတဲ့ ဆောင်းပါးကို နာမည်ရင်းနဲ့ရေးပြီး မိုးမခ အင်တာနက်စာမျက်နှာမှာရော၊ ဘားမားတူဒေး စာမျက်နှာမှာရော၊ မိုးသောက်ကြယ်ဂျာနယ်မှာပါ ဖော်ပြလိုက်သေးတယ်။ဆိုတော့ ဂျပန်အစိုးရအတွက် မျက်နှာပျက်စရာ၊ အသည်းနာစရာဖြစ်သွားတာပေါ့။တရားရေးဋ္ဌာနက ရှေ့နေကြီး watanabe ရုံးခန်းကို တိုက်ရိုက်ဖုန်းဆက်ပြီး ``မောင်ရှင်(ဘားမားမီဒီယာသတင်းထောက်)ဆိုတာ မောင်ဘယ်သူဆိုတာ စုံစမ်းလို့ရပြီ။ သူ့လုပ်ရပ်ဟာ ငါတို့ကို သိက္ခာချသလိုဖြစ်သလို၊ ဥပဒေချိုးဖောက်ရာလည်း ဖြစ်နေတယ်။သူ့ကို ငါတို့နိုင်ငံမှာ အခြေချနေထိုင်ခွင့်ပြုထားတာ ဥပဒေနဲ့အညီ နေထိုင်လုပ်ကိုင်စားသောက်အသက်ရှင်ဖို့ပဲဖြစ်တယ်။ ခုလိုမျိုး ဥပဒေချိုးဖောက်တဲ့အပြုအမှု(ဓါတ်ပုံရိုက်ယူခြင်းကို ဆိုလိုတာဖြစ်ပါတယ်)မျိုးလုပ်တယ်ဆိုရင် သူ့ကို အခြေချနေထိုင်ခွင့်ပြုထားတဲ့ဗီဇာ(အဲဒီ့အချိန်တုန်းက တေးဂျူးလို့ခေါ်လို့ Long Term Resident Visa အဆင့်ပဲ ရှိပါသေးတယ်)ကို ချက်ခြင်းရုပ်သိမ်းမယ်..``တဲ့။တရားရေးဋ္ဌာနက ပြောလာတဲ့စကားကို ရှေ့နေကြီး watanabe ရုံးက မောင်ရှင့်ဆီဖုန်းဆက်ပြီး အသိပေးတယ်။မောင်ရှင် မင်းတော့ သွားပြီ။ သတင်းရေးတာ အကြောင်းမဟုတ်ဘူး။ သက်သေအထောက်အထားသဘောမျိုးဖြစ်နေတဲ့ ဓါတ်ပုံရိုက်တာ ပြစ်မှုကျူးလွန်တာပဲ။ ဘယ်လိုလုပ်မလဲ…``တဲ့။မောင်ရှင်ပဲဟာ..။ ဥပဒေကို လက်တစ်လုံးခြားလုပ်နေတဲ့ အဘတို့လက်ထက်မှာမွေးဖွားကြီးပြင်းလာသူပဲဟာ..။မောင်ရှင် ဓါတ်ပုံရိုက်တယ်ဆိုတာကို တရားရေးက ဘယ်လိုအထောက်အထားနဲ့ပြောပြီး စွပ်စွဲရတာတုန်း။ သက်သေရှိရင် ဗီဇာရုပ်သိမ်းရုံတင်မကဘူး..။ ဖမ်းမယ်ဆိုလည်း အဖမ်းခံမယ်။ သတင်းရေးတာကတော့ ဂျပန်အစို;ရဟာ ဂျနီဗာကွန်ဗင်းရှင်းမှာ လက်မှတ်ရေးထားပြီး လက်တွေ့မှာတော့ ဒုက္ခသည်လျှောက်ထားသူတွေကို တရားခံလိုဆက်ဆံနေတာ လူ့အခွင့်အရေးချိုးဖောက်နေတာ မဟုတ်လား..။ ဒီသတင်းရေးလို့ ဗီဇာသိမ်းမယ်။ ပြန်ပို့မယ် တိုင်းပြည်ထဲကနေ နှင်ထုတ်မယ်ဆိုရင်လည်း ခံယူမယ်ဗျာ..။မောင်ရှင်ဒီလိုပြန်ဖြေလိုက်တယ်။ဆရာ watanabeကိုယ်တိုင်က မောင်ရှင်အချက်နဲ့အလက်နဲ့ပြန်ပြောတာကို သဘောကျပြီး -``ဓါတ်ပုံမင်းရိုက်တာမဟုတ်ဘူးဆိုရင်..။ ဘယ်သူလဲ။ ငါတို့သိအောင်တော့ ပြောပြကွာ..။ မင်းကိစ္စကို ငါတို့တာဝန်ယူတယ်။ မင်းပြောတာမှန်တယ်..``တဲ့။``ဒါတော့ မပြောနိုင်ဘူးဆရာ..။ သတင်းသမားတို့ကျင့်ဝတ်ရှိတယ်ဆရာ..``ဘာ ညာ သရကာ ဆိုပြီး ဖတ်ဖူး မှတ်ဖူးတဲ့ စာတွေကို မတတ်တစ်ခေါက် ဂျပန်လိုပြောပြတော့ ``အိုကေ ရပြီ။ သဘောပေါက်ပြီ..``တဲ့။ထန်းသီးကြွေခိုက် ကျီးနင်းခိုက်လို့ပဲပြောရမလားပဲ။ အဲဒီ့နှစ်က ဂျပန်အစိုးရဟာ ကုလသမဂ္ဂ တိုးချဲ့တဲ့ လုံခြုံရေးကောင်စီ (၁၅) နိုင်ငံထဲမှာ ပါဝင်ဖို့ တစ်နှစ်အောက်ခံရတယ်။ နောက်နှစ်ကျမှ ပါဝင်လာနိုင်တယ်။မပါဝင်ခင်မှာ ဒုက္ခသည်ဆိုင်ရာ မူဝါဒတွေ ပျော့ပြောင်းလာတယ်။ နှစ်ရှည် ဂူအောင်းသူတွေကို လွှတ်ပေးပြီး အသိအမှတ်ပြုသူပြု၊ အထူးနေထိုင်ခွင့်ချပေးသူချပေးနဲ့ လုပ်လာတယ်။Mr. Honma Hiroshi ရေးဆွဲတင်သွင်းတဲ့ ဒုက္ခသည်ဆိုင်ရာ ဥပဒေမူကြမ်းသစ်က အသက်ဝင်လာတာလားမပြောတတ်ဘူး။၂၀၀၇ ခုနှစ်မှာ ဒုက္ခသည်ဆိုင်ရာ လုပ်ထုံးလုပ်နည်းပြောင်းလဲသွားတယ်။အဲဒီ့နှစ်ကစပြီး ဒုက္ခသည်လျှောက်ကြတဲ့ မောင်ရှင့်အမျိုးတွေကို ဒုက္ခသည်အဖြစ် အသိအမှတ်မပြုရင်တောင် လူသားချင်းစာနာသောအားဖြင့်ဆိုပြီး Designated Activies Visa ဆိုပြီး တစ်နှစ်ဗီဇာတွေထုတ်ပေးတယ်။၂၀၀၈ ကနေ ၂၀၁၀ ခုနှစ်အထိက ဆွမ်းကြီးလောင်းတဲ့ခေတ်လို့ပြောဆိုသတ်မှတ်ရလောက်အောင်ပါပဲ။ အမျိုးတွေ ရာ ထောင် ချီစွာ လူသားချင်းစာနာထောက်ထားတဲ့ဗီဇာတွေရလိုက်တယ်။ဘာပဲပြောပြော ၀မ်းသာစရာ မင်္ဂလာသတင်းပါ။သေချာပြန်စဉ်းစားကြည့်ရင် မောင်ရှင့်လုပ်ရပ်ဟာ ဂျပန်အစိုးရရဲ့ အသည်းနှလုံးကို ဓါးနဲ့ထက်ပိုင်းခွဲရုံတင်မက ဆားနဲ့ပက်သလိုမျုိးဖြစ်သွားခဲ့ပါတယ်။ဥပဒေကို လက်တစ်လုံးခြားလုပ်သလိုမျိုးလည်း သက်ရောက်နေပါတယ်။အဲဒီ့နောက်ပိုင်းကစပြီး ထိမ်းသိမ်းခံရသူများကို ထောင်ဝင်စာတွေ့မယ်ဆိုရင် ပါလာတဲ့ပစ္စည်းမှန်သမျှ အပြင်က လော်ကာမှာပဲထားရသလို အခန်းတိုင်းမှာ စောင့်ကြည့်ကင်မရာတွေ တပ်ထားတာ ခုထိပါပဲ။လေးစားဖို့ကောင်းတာက ဂျပန်ဟာ မူအတိုင်းပဲသွားပါတယ်။သူတို့အားနည်းလို့ ခံလိုက်ရတယ်ပဲ သဘောထားပြီး မောင်ရှင့်ကို အရေးယူခြင်း ငြူစူခြင်း အလျင်းမရှိခဲ့ပါဘူး။ကျားသနားမှ နွားချမ်းသာရမယ့် မောင်ရှင့်ကို ဗီဇာမရုပ်သိမ်းရုံတင်မကပဲ အေးဂျူးလို့ ခေါ်တဲ့(ပီ အာ) မလျှောက်သေးလို့ဆိုပြီး သက်တမ်းသွားတိုးတိုင်း လ ၀ က အရာရှိတွေက` မင်းလျှောက်တော့လေ..။ ဘာလုပ်နေတာလဲ..။ မြန်မြန်လျှောက်စေချင်ပါတယ်`ဆိုပြီး ကောင်းကောင်းမွန်မွန်ပြောဆိုဆက်ဆံပါတယ်။မောင်ရှင် လျှောက်တော့လည်း မဆိုင်းမတွ တန်းပြီး အသိအမှတ်ပြုခဲ့ပါတယ်။ဒီထက်ပိုအံ့သြဖို့ကောင်းတာက မောင်ရှင့်မိတ်ဆွေတစ်ယောက်က တေးဂျူး(Long Term Resident Visa) ကနေ အေးဂျူး(Permanent ReSident)အဖြစ် လျှောက်ချင်တော့ မောင်ရှင့်ကို ထောက်ခံကြောင်း လက်မှတ်ထိုးခိုင်းပါတယ်။အဲဒီ့အချိန်တုန်းက မောင်ရှင်လည်း တေးဂျူး(Long Term Resident Visa)အဆင့်ပဲရှိပါသေးတယ်။ဂျပန်ဥပဒေအရ အေးဂျူး လျှောက်သူကို ထောက်ခံပေးမယ်။ အာမခံသဘောမျုိးလက်မှတ်ထိုးပေးရမယ်ဆိုရင်(က)ဂျပန်လူမျိုး(ခ)အေးဂျူး ဗီဇာ ကိုင်ဆောင်ထားသူပဲဖြစ်ရမယ်လို့ ပြဋ္ဌာန်းထားပါတယ်။ဘယ်လိုဘယ်လို ဖြစ်သွားသလဲမသိဘူး… မောင်ရှင်ထောက်ခံပေးလိုက်တဲ့သူက ခြောက်လအကြာမှာ အေးဂျူး(Permanent ReSident)ကျသွားပါတယ်။အဲဒီ့ကိစ္စလည်း ဂျပန်ရောက်အမျိုးတချို့သိကုန်တော့ သူတို့ကိုလည်း မောင်ရှင်လက်မှတ်ထိုးပေးဖို့၊ ထောက်ခံပေးဖို့ဆိုပြီး ဖြစ်လာပြန်ရော..။ဘာပဲပြောပြော ကူညီပေးလိုက်ပါတယ်။သိုပေမယ့် တခုပဲနော်..မောင်ရှင်က ဘယ်နေရာမဆို အလောသုံးဆယ်သိပ်နိုင်တာ..။ အသည်းလည်းနုပြီး နှလုံးသားလှပသူ၊ သဘောကောင်း မနောကောင်း ဖော်ရွေအားနာတတ်သူ၊အစဦးဆုံးပိုစ်မှာရေးခဲ့သလို forrest gump မောင်ရှင်က တခုခုကို အာရုံလာပြီဆို အဲဒါကိစ္စကိုပဲ မအောင်မြင်မခြင်း တစ်စိုက်မတ်မတ်လုပ်တတ်သူ။ ကျန်တဲ့ကိစ္စ ဘာပြောပြော ခေါင်းထဲကို မထည့်ဘူး..။ဒါကိုအခွင့်ကောင်းယူပြီး.. ၂၅ နှစ်အောက် အလိမ်မာ အိမ်ပါ တိုက်ပါ ကားပါ ခြံစာချုပ်ပါ လက်ဝယ်ရှိသော ခေးမလေးများက စ မီး တို့ ဘ၀ အေးချမ်းဖို့ ဥူးမောင်ရှင်လက်မှတ်ထိုးပေးဖို့ ဆိုတဲ့ ရည်ရွယ်ချက်ကြီးကြီးနဲ့ အလစ်ငိုက် သိမ်းပိုက်ခံရရင်ဖြင့်..အောင် မ လေး လေး.. တွေးရင်းနဲ့ တုန်တက်သွားတယ်..။ ချမ်းလို့..အသည်းနုတဲ့ မောင်ရှင်.. လက်မှတ်အထိုးမှားမိရင်ဖြင့်….ပုလဲဥလေးတွေ မြိုင်တောအလယ်မှာ လှိုင်ဘောလယ်ကသလို ယောက်ယက်ခပ် ပူဆွေးငိုကြွေး မြေလူးနေကြမှာ မောင်ရှင်ကြည့်ရက်ဝူးဂျာ..ကျန်းမာ ချမ်းသာကြပါစေ..ဖိုက်တင်ပလေးတတ်တဲ့ မောင်ရှင် ``အမျိုး၊ ဘာသာ၊ သာဿာနာအတွက်`မောင်ရှင်နဲ့ ဂျပန်နိုင်ငံခြားရေး ဖိုက်တင်ပလေးကြတဲ့အကြောင်း အပိုင်း (၁၃) မှာ ရေးကြဦးစို့ရယ်..
  • Maung Shin
12341430_1015803048479996_3280694196992387254_n 12345682_1015802921813342_1711403112676171830_nဓါတ်ပုံက တိုကျုိရှင်နာဂါဝါ လ ၀ က ရုံးပုံပါ..အဲဒီ့ ရုံးရှေ့မှာ အဖမ်းခံနေရတဲ့ အမျိုးတွေအတွက် မောင်ရှင် ဆန္ဒပြခဲ့သေးတယ်။မြန်မာတွေလွတ်မြောက်အောင် ကူညီပေးနေတဲ့ ကိုယ့်အိတ်ကိုယ်စိုက် အီ ဘာ ရာ ကီ အန်ဂျီအိုတွေနဲ့ပေါ့..ကာတွန်းလက်ရာကတော့ ဆြာလီ( KD Aung Li)

Recommended Articles